நவ்யா நாயருக்கு திருமண ஆசை வந்து விட்டதாம். நல்ல மாப்பிள்ளையாக நானே தேடி கண்டுபிடிக்கிறேன், கல்யாணத்தை மட்டும் செய்து வையுங்கள் என்று வீட்டில் கூறியுள்ளாராம்.

அழகிய மலையாள நடிகைகளில் ஒருவர் நவ்யா நாயர். அதீத கவர்ச்சி இருந்தால் மட்டுமே அடுத்த பார்வை பார்க்கும் திரையுலகில், முகம் சுளிக்கும் கவர்ச்சிக்கு பச்சைக் கொடி காட்டாமல் பிடிவாதத்தோடு இருந்து வரும் நடிகைகளில் இவரும் ஒருவர்.

அப்படியும் கூட ஒரு சில படங்களில் நவ்யாவையும் கிளாமர் பக்கம் லேசாக இழுத்துப் போய் விட்டனர். கடைசியாக நவ்யா தமிழில் நடித்த படம் ராமன் தேடிய சீதை.

அதற்குப் பிறகு நவ்யாவை காணவில்லை. மலையாளத்திலும் கூட அவர் அதிக பிசியாக இல்லை. இந்த நிலையில் பேசாமல் கல்யாணம் செய்து கொண்டு செட்டிலாகி விட்டால் என்ன என்ற யோசனை நவ்யாவுக்கு வந்து விட்டதாம்.

இதையடுத்து வீட்டில் கல்யாணத்திற்கு நான் ரெடி. ஆனால் மாப்பிள்ளையை நான்தான் செலக்ட் செய்வேன், கல்யாணத்தை மட்டும் நடத்தி வையுங்கள் போதும் என்று கூறி விட்டாராம்.

இப்போது நெட் மூலம் மாப்பிள்ளைக்கு வலை விரித்துள்ளாராம். விழுந்தவுடன் கெட்டி மேளமாம்.

அதேபோல திண்டுக்கல் சாரதி புகழ் நாயகி கார்த்திகாவும் கல்யாணம் செய்து கொள்ளப் போகிறாராம்.

தமிழில் நல்ல வாய்ப்புகள் வராததாலும், கவர்ச்சி காட்ட விருப்பம் இல்லாததாலும், கல்யாணத்திற்கு ஓ.கே. சொல்லி விட்டாராம் கார்த்திகா.

கிளாமருக்கு கல்யாணம் பெட்டர் தான்!