சத்யம் நிறுவனத்தில் நடந்த முறைகேடுகளை ஒப்புக் கொண்டு அதன் தலைவர் ராமலிங்க ராஜூ விலகியிருப்பதைத் தொடர்ந்து, இன்று சத்யம் நிறுவனப் பங்குகள் விலை கடுமையாக சரிந்தது.
இன்று காலை தொடங்கி 70 சதவீதத்துக்கும் மேல் சத்யம் பங்குகள் விலை சரிந்தது. நேற்று வர்த்தக நேர முடிவில் 188 ஆக இருந்த சத்யம் பங்குகள் விலை இன்று கிடுகிடுவென சரிந்து 50 ரூபாய்க்கும் கீழ் வந்துவிட்டது.
பிரபல பங்கு வர்த்தக நிறுவனமான ஐஎல்எப்எஸ் ட்ரஸ்ட் கம்பெனி தங்கள் வசமிருந்து 2,45,20,500 பங்குகளை இன்று வெளிச்சந்தையில் விற்றுவிட்டது.
டிஎஸ்பி மெர்ரில் லிஞ்ச், டாய்ட்ஷே வங்கி, டிஎஸ்பி ப்ளாக்ராக், எச்டிஎப்சி நிறுவனங்களும், தங்கள் வசமிருந்து பல லட்சம் சத்யம் பங்குகளை கடந்த சில தினங்களில் விற்றுவிட்டனர்.
இதைத் தொடர்ந்து, சத்யம் நிறுவனத்தில் உள்ள ராமலிங்க ராஜூ குடும்பத்தினரின் பங்குகள் அளவு 3.8 சதவீதமாகக் குறைந்துள்ளது.
BSE 16,158.28 +94.38 
